ھیال وَ کیت
بلاھیں سردی ءَ بے کوٹ ءُ کمبل ایں بلوچانی ھیال وَ کئیت کہ آ گوں ھمت ءَ سارتی ءِ گوں جنگ ءَ انت۔ بزگیں بلوچ ءِ گِس ءِ چھت کمزور انت۔ بشامی ھورانی ترمپ بلوچک ءِ لوگ ءَ چو بلوچ زِر ءَ کن انت۔ اگاں برف باری بہ بیت انچو سما بیت گشے انٹارکٹیکا انت۔
سُہب ءِ واب ءَ چِہ پاد اتکگیں زھگ، ورنا،پیر مرد ءُ پیر زال چے اُمید دار انت؟ ایشانی دلانی واب چے بنت ءُ ارادہ چِہ وڑیں بنت؟
ھمے کہ مرچی ئیں جمبر ءِ ھور مئے گِس ءَ تر کنت۔ مئے
شپ ءِ واب ءَ ھراب کنت ءُ مئے چُل ءِ راشن آں تر کنت۔۔۔۔
اے ھیال ھمے واستہ پرچا کہ نہ مئے ورنا نوکر انت کہ چُل ءِ واستہ نوکیں راشن بُزور انت۔ نہ مئے پیر مرد آں پنشن است ءُ نہ کہ مئے پیر زال آں سرکار فنڈ دئیگ ءَ اِنت۔
اے ھیال ھمے واستہ پرچہ کہ راشن ءِ زُورگ ءِ واستہ شہر ءَ روگ لوٹ اِیت۔ بلے اے ھور مارا ءُ مئے دگ آں انچو کنت کہ ما شہر کجا؟ میتگ ءَ چہ دومی میتگ ءَ شُت نہ بیں۔ھور آگاں نادراہی بہ دنت گڑا ما کجا نادراجاہ در بیگیج انت۔
مئے ورناہانی روزگار تھنا کور ءَ دار ءُ پیش بُورگ ءُ بھا کنگ اِنت۔ مرچی باندا اے ھم ممنوع اِنت۔ ما جُست کن انت چیا منع انت سرکار گُشیت کہ مئے ملک ءَ جنگل کم اِنت،مئے ملک ءِ جنگل 4 درسد انت۔
ھمے پیر مرد جیڑان ءَ کہ اناگت ءَ آئی ءِ ارسانی ترمپ گُل زمین ءَ تر کنگ ءَ اِتنت۔
روان روان ءَ اوشتات ءُ لرزگیں لنٹ ءَ گریتگیں چمّاں گوں گُشگ ءَ لگِت کہ اے سرکار ءِ کِرّا ممنوع کنگ ءَ باز است بلے پچ کنگ ءَ ھچ نیست۔ بُنّکی ھق دئیگ،سھولت ءُ روزگار ءِ دئیگ سرکار ھچ بر نہ زانت۔
پیر مرد سرکار سرکار کنان ات گام جنان ات کہ اناگت ءَ ھیال ئے کُت ءُ درّائینت ئے کہ اے مئے وزیر جوڈ بوتگ انت۔ سارتیں ساھگانی تہا انت،وشیں ھولاک اِش گوں ءُ سیل کن انت۔
ایشانی دل ءَ مئے واستہ ھچ ھیال نئیت کہ اے چوں زندگی گوازینگ ءَ انت؟
پدا ھیال ئے کُت ءُ گُشت ئے کہ اگاں ایشانی دلاں مئے واستہ چیزے بوتیں گڑاں ما اے پیم بزّگ نہ اِتیں۔
No comments:
Post a Comment