ما یونانی نہ ایں ما بلوچ ایں...

ما یونانی نہ ایں ما بلوچ ایں...

نبشتہ کار   جی ایم بلوچ

عطاشادءِ پروگرام سرا فاروق بلوچ گشتانک دیاگءَ اَت "یک راجی ئے تہا ھر وڈیں مردم بیت نیل چم، سُہر چم،سبز چم ءُ  سیاہ چم بلئے ما آیاں اے گُشت نہ کن ایں کہ شُما بلوچ نہ اِت  اگاں ما بچاراں تہنا بلوچءِ  تہا اِنّاں پٹھانانی تہا ھم نیل چم ءُ سیا چم است ما آیاں انگریز بگُشاں؟"

 فاروق بلوچ کہ بلوچانی تہا یک سک مزنیں تاریخ دانءِ ءُ آئیءَ چیزءِ کتاب ھم راجدپتر ءِ سرا نبشتہ کُتہ اے روچءَ فاروق بلوچءِ نبشتانک بلوچ راج ءِ Origin ءِ سرا اَنت. فاروق بلوچءَ ھمے گپ جتَ انت (برزءَ نبشتہ انت) ، ءُ ما بچاراں گُڈا انگریزانی تہا ھم سیاہ چم است گُڈا ما آہاں بلوچ بُگش آں؟

بازیں مردم ءِ راج دپترءَ سرپد نہ انت وت سرا وت گُشیت کہ گنز ءِ جاہ منند ایں مرد یونانی انت ءُ کسے گُشیت کہ انگریز انت بلئے اشانی گورا اچ وڈیں دلیل نیست.  اگاں ما گنزءِ مہلوکءَ یونانی بُگش آں بلئے اے وھدءَ کہ یونانی لشکر اتکگاں  گنزءِ وجود ھم نہ بیتگ ءُ چد ءُ پد سداں  سال گوستگ رندا گنز وجودءَ اتکگ گنز ءِ وجودءَ کساس سئے سد سال بیت گنزءَ اتکگیں مردم چہ لانڈو ءَ (گنزءِ ءُ پانوان ءِ میانءَ چاگا ءِ) ءُ دران( گنز ءِ نزیکءَ جاہءِ) ءَ اتکگاں ءُ ادا جاہ منند بیتگ آں . 

اگاں  گنزءِ مہلوکءَ انگریز گشاں گُڈا شمئے گورا دلیل چی است؟ اے گُش انت کہ گنز ءِ تیابءَ انگریزانی جہازءِ پرشتگ ءُ انگریز ادا اتکگ ءُ سانگ ءُ سورءِ کُتہ اے گپ ءِ تہا ھم اچ دلیل نیست  اگاں شُمئے گورا دلیل است مارا بدئی ئے ...( گیشتر ڈنی ولوگر کایاں کِرّ ءُ کشے نندوکیں مردم اشاں گش انت  کہ شما دیمترءَ  (گنزءَ) روئے ادا یونانی آباد انت)

بلئے مئے (گنز مہلوکءِ) گورا اے دلیل است کہ ما بلوچ آں ءُ مئے بُن گوں بلوچ راجءَ انت کہ ما رئیس ٹک( قبیلہ )چہ تعلق داراں ءُ ھمے مارا یونانی گُشاں اے برواں بلوچستان ءِ دگہ جاگایاں بچاراں  آوداں ھم نیل.چم، سبز چم ءُ سُہر چکیں مردم است...

انچش کہ جیوانی ءَ نشتگیں رئیس ءُ شہزادہ  قبیلہ ءِ(ٹک ءِ)  مردماں بچاراں آیانی تہا ھم چیزءِ مردم در کئیت کہ آ نیل، سبز چم ءُ سُہر چک انت(ھمے پیم کہ گنزءَ بس چیزے مردمانی چم نیل ءُ سبز آں)  گوادرءِ دگے کوچگاں بچاراں آودا ھم در کئیت..

ڈسٹرکٹ گوادرءَ دیم برو  تربتءَ ھم  بلوچانی (رئیس قبیلہ)    تہا ترا بازیں انچیں مردم دست کپ ایت کہ آ نیل چم،  سبز چم ءُ سُہر چک انت گُڈا ما اشان ھم یونانی ءُ انگریز بگش آں؟  اگا اشاں ما بلوچ گُشاں گُڈا گنزء مہلوک پرچا بلوچ نہ انت؟ رئیس ٹک( قبیلہ) چہ ڈُن در بیا بلوچ راجءِ تہا دگہ ٹک(قبیلہ) ھم استاں کہ آیانی تہا سبز چم ،نیل چم ءُ سُہر چکیں مردم در کئیت گُڈا آ ھم.یونانی آں؟

بلوچ یک راجءِ ءُ بقول فاروق بلوچءِ ترا یک راجی ئے تہا وڈ وڈیں رنگ ءُ دروشم ءِ مردم ترا دست کپ ایت بلئے تو آیاں انگریز گُشت نہ کن ئے   اگاں ما بیالوجیکل سائنسءِ نیما چمشانک ءِ بدیاں بیالوجیکل.سائنس گُش ایت ھر انسان ءِ جین %99.99  یک پیم انت گٍُڈا اے ھم بیت کہ بازیں مردمانی  چمءِ جین یک وڈ بنت آ بلوچ ءِ بیت، عربءِ بیت یا کہ انگریز ءِ بہ بیت 

منی اے نبشانکءِ مول ءُ مُراد اش انت کہ ما(گنز ءِ مہلوک) بلوچ آں  ءُ مارا چہ وتی روتگاں سندگءِ جُہد مہ کن ات  اگاں شُمئے گورا شریں دلیل است مارا بدئی یے گُڈا ما اے مَنّاں کہ ما بلوچ نہ آں اگاں شُمئے گورا دلیل نیست گُڈا مارا وت پہ دیم یونانی  مہ گُش اِت  بروئے  بلوچ ءِ راجدپترءِ کتاباں بُوان اِت کہ آ عرباں نبشتہ کُتگ آں  برطانیہ ءِ تاریخ داناں نبشتہ کُتگ آں بلوچاں وت نبشتہ کُتگ آں بروئے بوان اِت ءُ مارا دلیل پیش بدار اِت 

بلئے شُمارا اے کتابانی تہا چُشیں دلیل دست نہ کپ ایت بلکہ شمارا اے دست کپیت کہ رئیس ٹک(قبیلہ)   بلوچ آں ءُ شمارا اے ھم دست کپیت کہ تیاب دپا نشگیں مردم مید انت کہ اشانی وتی یک راج دپترءِ است  اے مید آں وتی تیاب ءِ پہریزگ واستہ  اے دریا ءِ سُوریں آپ گوں ھوناں سُہر سُہر کُتگ۔