مئے چاگرد ءُ بدیں ھِلّت

نبشتہ کار: شاہ میر مسعود 

زانتکار گشنت کہ اگاں ورناہ شریں کاراں گوں دست گٹ بہ بنت گڑا الم وتی چاگرد ءِ تہا دیمرھی ءُ بدلی آرت کن انت۔ اگاں ورناہ سِلیں کاراں گوں دست گٹ بہ بنت گڑا چاگرد الم پشت ءَ کپیت، بزانکہ چاگرد ءِ مانزمان ھرابی بیت۔

بیست ءُ یکمی کرن ءَ دنیا نوکیں وھد ءِ آسراتیاں گوں ماہ ءَ سر انت۔ ءُ وڑ وڈیں ھنر ءُ ھیلہ کنگ ءَ انت۔ بلے مئے کم بزانتیں چاگرد ءِ ورنایانی کار انت کہ گوٹکہ، جے ایم، شیکر ءُ ماوا ءُ اے دگے وڑ وڑیں پان پراک ءَ ابید نہ بنت۔ گیشتر وھدا گونڈو ڈن ءَ یلاچھر انت، سجیں روچ ملک ءَ انت، کمپیوٹر گیم ءُ راڑ گیم ءِ سرا انت۔ اگاں مارا ماہ ءِ سرا سر بوئگی انت گڑا چہ اے بے سریں ھِلّاتاں چہ وتا پہریزگی انت۔

 وانگ جاہ ءُ زبان زانتی ءِ وانگ جاہ یاں نودربرانی کار اے وھدا ھم موٹر سائیکلانی دیم ءِ چست کنگ انت۔ وتسرا سائیکل ءِ سرا تیز برو انت یا وَ سائیکل تاچگ ءِ وھدا وتسرا دست یلا بدے انت۔ اگاں وانگجاہ یاں پہ وانگ ءَ کائینت گڑا ھیال ءِ گوں سائیکل ءَ انت۔ درستاں چہ گیش زمہ واری اشانی مات ءُ پتانی انت کہ ایشاں سائیکل تاچگ ءَ دیاں۔ یک گپے مدام ایش انت کہ "لوگ ءِ مردم چی زاناں کہ ڈنا گونڈو چی کناں"۔ اگاں لوگ ءِ مردم نہ زاناں گڑا ایشاں سائیکل پرچا دئینت؟ گوں مات ءُ پتاں دست بندی انت کہ چُکانی وانگ ءِ عمر ءَ وانگی چیز بدئینت پہ وانگ ءَ سیکین بدئینت، سائکل مہ دئینت۔ 

مئے گیشتر گونڈوانی ھیال موبائلاں پہ وتا برتگ۔ اے گپ راست انت کہ انوگیں وھد موبائل ئیگ انت بلے موبائل ءِ شر کارمرز کنگ المی انت۔ بلے ھدا بزانت چی واناں چی کناں؟ نہ کہ پہ ذھنی تربیت ءِ وستا لیب ءُ گوازی  کننت ناکہ ورزش کن انت۔  

برے برے ما گنداں گونڈو وت ماں وت سائیکل ریس بندوکائی کن انت ھدا مہ کنت ایشاں چیزے بہ بیت گڑا کھول ءِ مردمانی بزگی ءُ دل سیاہ بوئگ ءَ گوں ھور وت ھم بزگ بنت۔ 

ہمے وڑا گوستگیں سال ءَ ماں تربت ءِ دمگ سیٹ لائٹ ٹاؤن ءَ دو کسان سالیں گونڈل ھمے شومیں موٹر سائیکل ءِ سوَب ءَ مرگ ءِ ھرجان بوت انت۔ پہ اے وڑیں وئیل ءَ وتا رکینگ ءِ جہد بکن ات ، اے زند دوبر نہ رسیت۔

گوں ضلعی واکداراں دست بندی انت کہ پہ گونڈوانی موٹر سائیکل ءِ تاچگ ءِ سرا پابندی بجن انت۔