مارا پہ بلوچی ءَ وت جھد لوٹّیت

  نبشتہ کار: شُکراللہ ازیم

مارا پہ بلوچی ءِ وانگ ءُ نبیسگ ءَ  وت جھد لوٹّیت۔

اے ھبر راستے کہ بلوچی ءِ  سبجکیٹ مئے دربری ءَ مان نہ اِنت  ۔ ما آئی ءِ  تھا کسانسالی ءَ انچو زانتکار بوت نہ کن انت۔ بلئے وھدے ما یازدھُمی ءُ دوازدہ ءِ  تبک ءَ  کائیں گڈاں ما وتئ شرّی ءُ ھرابی ءَ  زان اَنت۔ اے وھد ءَ  چہ ما بلوچی ءِ  وانگ ءُ نبیسگ ءِ سرا جھد بہ کناں گڈاں ما مزنیں  لیول ءَ  سر بنت گڈاں ما وتی راجی زبان ءِ  بلاھیں زانتکار جوڈ بنت ۔ بلئے ما امینچو ھم جھد کرت نہ کنگ ءَ اِنت۔ ما اگاں پچار ایں ما اولی ءَ دری زُبانانی وانگ ءُ نبیسگ ءَ ھم نہ زانتگ ، بلئے ما انگریزی ءُ  اردو گڈسرا گپ ءُ تران ءُ نبیسگ ءَ شر بئینت۔ ما انگریزی ءِ واستا سنٹراں آئی ءِ  وانگ ءَ بنگیج کناں گڈاں اولی ءَ ما ھچ نہ زان اِنت بلئے بازیں جھد ءَ پد ما آئی ءِ تھا گپ ءُ تران ءَ ابید آئی ءِ نبیسگ ءَ شریں وڈے ءَ زان اَنت۔ ھمے وڈا اگاں ما بلوچی ءِ  سرا وتئ جھد ءَ  برجم بہ دار اِنت گڈاں آئی ءِ تھا ما  چہ انگریز ءُ ادرو ءَ  گیشتر زانتکار جوڈ بنت پرچاکہ بلوچی مئے وتئ راجی زُبان اِنت۔ آئی ءِ تھا گپ ءُ تران ما چونھا زان اِنت بس آئی ءِ نبیسگ ءِ واست ءَ  مارا جھد لوٹّیت۔ ما اگاں مرچی بودناک ایں کوماں پچار اِنت آھاں اولی ءَ وتئ زبان در بُرتگ گڈاں آھاں چیزاں  ونتگ ءُ  وتئ راجی زُبان ءَ  نبیستگ پمشکہ آھانی واست ءَ  ھر چیز ارزان بوتگ۔

مرچی آ دور نہ اِنت کہ ما بگوش اَنت کہ مارا بلوچی وانینگ بوھگ ءَ  نہ اِنت ما پمشکہ دربرت  نہ کناں مرچی دگنیا ءَ باز بودناکی کتگ ھر چیز انٹرنٹ ءِ تھا است ۔ اگاں مارا بلوچی ءِ وانگ ءِ  شوک بہ بیت مارا سوشل میڈیا ءَ ھر چیز دست کپ اِیت ۔ مرچاں جھد کاراں وٹسپ ءُ پیس بوک ءَ بازیں وانگجاہ اڈ داتگاں تانکہ مئے نودربر چہ بلوچی ءَ  بے بھر مہ بنت۔ گڈاں آ مئے نابودی اِنت کہ ما اللہ ایں روچ ءَ گوں موبائل ءَ  مشکُول اَنت بلئے اے وانگجاھانی(گروپ)آھانئ بھر نہ اَنت۔ باز نہ ما اگاں روچے  دہ لبز در بہ براں گڈاں ما بازیں چیزے دربراں۔ اے ھئیبے  بیت کہ یک بلاھیں بلوچ وانندا ئے چو منی ءَ تنینگ ءَ  وتی راجی زبان ءِ  نبیسگ نہ زانت۔ مرچاں بلوچی کِتاب ھم بے کساس اَست ، مرچی بلوچی  ءِ  کتاب ھر جاگہ دست کپاں بلئے ما امینچو جھد کت نہ کن انت کہ ھمے کِتاباں بے وان اِنت تانکہ مئے بلوچی کمو گھتر بہ بیت۔۔