زمین ءِ سرءَ شیتان ءِ لوگ، برمودہ سے کُنڈی

 زمین ءِ سرءَ شیتان ءِ لوگ، برمودہ سے کُنڈی

سجاد اسد

رمس 28 دسمبر 2020 ءَ لانچے گوں 20 مردماں چہ بمانی باھماس (Bimini Bahamas) ءَ در کٸیت ۔ اے لانچءَ 29 دسمبر 2020ءَ Lake Worth Florida نامیں جھگہے ءَسر بوھگی اَت بلے ۔۔۔۔ مرچی 18 جنوری اِنت بزانکہ مرچی 21 روچیں کہ ناں اے لانچءِ جند سر بیت ءُ ناکہ ھالے کئیت ۔

لانچ کُجا شُت ؟

 لانچ چون بوت ؟ 

لانچءَ سواریں مردم کُج اَنت ؟

اےدرستیں جستانی پسو یک جاگہےءَ  بزاں 5 لک سکواٸر میل (500000 square miles ) ٹراٸنگلےءِ تہا بند اَنت بزاں کہ یک سے کونائیں جاگھےءِ تہا گار اَنت۔

ٹراٸنگل بزانکہ کسے اشییءَ برمودا ٹراٸنگل (Bermuda Triangle) ،  کسے اشییءَ شیتان ءِ ٹراٸنگل( Satan's Triangle ) ءُ کسے اشییءَ شیتان ءِ لوگ (Devil's Island ) ءُ ھمے وڑ دگہ باریں چے چے گُش انت۔

 برمودا ٹراٸنگل (Bermuda Triangle)ءِ جیوگرافی ءَ بزاں کہ ھد ءُ اویل ءِ یک کُنڈےءََ برمودا زِروان بزاں Bermuda Island اِنت ءُ دومی نیمگءَ پلورڈا ءُ ھمے وڑءَ سیمی نیمگءَ پیوٹرو رکو Peutro Rico ءَ اِنت۔

کساس پنچ سد (500) سال پیسر بزاں 1492 ءَ کریسٹوپر کولمبس کہ امریکہءِ درگیجوک اِنت۔ آئیءَ گُشتگ کہ دریا ءِ اے نیمگءَ سکیں ھئیران کنوکیں رژنے درا بیت ءُ سکیں بلائیں گورم ھم چِست بنت بلے آئیءِ اے گپ دگہ کسءَ سما نہ کُتگ۔

 

1611 ءَ نامداریں کسمانک ءُ گدار بزاں ناول نویس ویلیم شیکسپئر ءَWilliam Shakespeare  یک کسمانکے کہ آئیءِ سرھال اِنت The Tempest ۔ اے کسمانکءِ بنجاہی ھیال ھم ھمے برمودا ٹراہٸنگل انت۔ بلے ادا اوں کس گوش نا ٹاپینیت ۔ 

1945ءَ امریکی زِری اُرد بزاں نیوی ءِ پنچ بالی گُراب دیم پہ برمودا ٹراہٸنگل ءَ وتی دگہ یک گار بوتگیں بالی گُرابےءِ شوہازءَ رو اَنت کہ پَٹ ءُ پول بکن اَنت بلے اے پنچیں اوں گار بنت ۔

مرچیگیں روچ ءَ تک کساس 75 بالی گُراب ، 100 ءَ گیش آپی گُراب  ءُ ہزار ءَ گیش انسان ادا بیگواہ بوتگ انت ۔

اے جاگھ ءِ بابتءَ بازیں گپ گُشگ بیت۔ چوش کہ 

شیطان ءِ سے کُنڈی ، ہرءِ جڑال ءِ لوگ ءُ دگہ بازیں  کسہ ءُ گپ ھست۔  بلے مئے  دہر ساہنس ءُ سیٹ لائیٹانی دہر انت ۔ اے دہرءَ سرجمیں جہانءَ را گلوبل ولیج بزاں میان استمی میتگے گُشگ بیت کہ ہر چیز چہ دومیءَ سک نزیک اتکگ۔ ءُ سائنس ءَ ھم برمودا ٹرائینگلءِ بابتءَ باز ھیال و تھیوری داتگ۔ چوشکہ

لہتیں سائنسدان گُشیت کہ ادا سکیں بلاہیں گورم(Super waves) جوڑ بیت کہ آ گورم آپی گُراباں پروشیت ءُ تباہ کنت۔ ھمے وڑءَ بالی گُراباں ھم چہ بُرزءَ گپت ءُ جھلءَ دَور دنت۔

دگہ لہتیں سائنسدان گُشیت کہ  برمودا ٹراہٸنگل ءِ تہا مدام آپزور ( Water spouts ) جوڑ بیت کہ آ وتی نزیکیں ہمک چیزءَ تبا کن انت ۔

دگہ یک سائنسدانانی ٹولیے گُشیت کہ برمودا ٹراہٸنگل ءِ ھدّءَ زور آوریں چَک مَک  ھست ۔ اے زورآوریں چک مک بزاں magnetic field ءِ

سببءَ برمودا ٹراہٸنگل ءِ تہا موسم سک ھراب بیت ، آب زور جوڑ بنت ، بلاہ بلائیں گورم جوڑ بنت ، سیٹلاٸیٹ ءُ navigation نیٹ ورک ھراب بنت ۔ اے درستانی سببءَ  برمودا ٹرائینگل ءَ ھرچی ءُ ھرکس بروت نہ آئیءِ جند کئیت ءُ ناں آئیءِ ھال۔

ھمے وڑءَ دگہ لہتیں ساٸنسدان نبشتہ کنت کہ چہ برزءَ گپتگیں اکساں بزاں( Satellite Images)

 زاہر بیت کہ برمودا ٹراہٸنگل ءِ تہا 6 کُنڈیں ھئیران کنوکیں جمّبر (Hexagonal clouds) ھست کہ آ چو گواتی بمب ءَ کار کن اَنت ۔ اے 6 کنڈیں جمبرانی روگءِ زور ءَ گوات سک ترند بیت ۔ گواتءِ ترندی ءِ کساس 170 میل یک کلاکےءَ بیت۔ بلاہیں گورم جوڑ بنت ۔ گورمانی دراجی 45 feet بوت کنت ۔ اے کساسءَ گوات ءُ گورم نہ وتی دیمءَ گُراب کِل اَنت ناں دگہ چیزے ۔ 

اے برمودہ سے کُنڈی جاگھ کہ مئے زمینءِ سرءَ انت اے انوگیں سائنس ءُ زانتءِ دَہرءَ یک بلائیں جُستے کہ ما (انسان ) ماہ (moon) دگہ سیارہ، روچ ءُ آزمانءِ بابتءَ بہ گندئے باز بزان اِنت بلے وتی جندئے زمین ءِ سرءِ آپانی بابتءَ سک کم زان اِنت ۔

یوٹیوبءَ چارگءَ پہ لنکءَ کلک بکن اِت https://youtu.be/TSI9HaqHLyI