نواز یاگی یے

نواز یاگی یے

رگام بلوچ

من ءَ کساس دو سے ماه بیت کہ من نوازالدین صدیقی ءِ زندهال 

ونتگ کہ آئی ءِ نبشتہ کار   'An Ordinary Life'

اِنت۔ 'retuparna Cheetarji '  

من اے کتاب ءَ نگد نہ کنگ ءَ آں اسل ءَ من ءَ نواز ءِ یاگی بوھگ ، آئی ءِ یکشلیں جُهد، آئی ءِ گوں جاوراں جنگ کنگ سک دوست بوت همے هاترا من لوٹاں شما اے کتاب ءَ هم بوان اِت _

اے کتاب ءِ نام بائدیں 

Nawaz: the Rebel 

بوتیں چیا کہ انچوش کہ اے کتاب ءَ نواز ءِ زندهال لِک اتگ اے کاراں یاگی یے ءَ ابید کس کُت نہ کنت _

اولی برا نواز چہ کهول ءِ باریں چُنت سال یک وڑ زندگی کنگ ءِ راهبند ءَ چہ یاگی بیت ءُ پہ وت جُتائیں وابے گِندیت، یک ازمکارے بوهگ ءِ واب کہ آئی  ءِ کهول ءِ هِچ مردُماں اے واب پیسرا نہ دیستگ، آئی ءِ کهول ءِ هرچ مردُم دهکانکاری کنت یا کسانیں باپار بلے نواز پہ وت اے کارا درنہ چنت۔

 کتاب ءِ تہ ءَ یک جاگهے لک اِتگ کہ وهدے نواز اولی رندا وتی لوگ ءِ مردُماں هال دنت کہ آ ازمکاری کنگ لوٹیت گُڑا درستیں مردُم کند اَنت ءُ گُشنت

" شِکل دیستگ وتی؟ " چوش کہ نواز ءِ رنگ سیائیں پمیشکا آئی ءِ میتگ ءُ لوگ ءِ مردُم نواز ءِ ازمکارے بوهگ ءِ واب ءَ نہ بیتگیں کارے سرپد بنت۔

بلے نواز مهکم بیت آ وتی سپر ءَ بِنا کنت

 NSD 

ءَ بِگِر داں ممبئ ءِ روڑانی سرا یلہ چری ءِ اے سپر نواز ءَ باز سبک دنت، Sexual Frastration, بے زرّی، بے روزگاری، گام گام ءَ سیائی ءِ تژن نواز ءَ کمزور کن اَنت بلے دِلپروش ناں_

نواز گُشیت ممبئ ءَ کسان کسانیں رول آنی هاترا آئی ءَ کلاکانی سپر جتگ، بےزرّی ءِ سوَب ءَ کلاکانی سپر جتگ ءُ سنگتے ءِ کِرّا شُتگ ءُ ورگ وارتگ، سبارگ جاگهے کُتگ ءُ شام جاگهے آ دیمترا زاهر کنت کہ برے برے دل ءَ گُشتگ کہ واتر برو میتگ ءَ بلے پدا وت ءَ سرپد کُتگ کہ پشت ءَ کِنزگی نہ اِنت _

اگاں 

Ego 

ءِ شرّیں رنگے ءَ کارمرد کنوک ءِ آسرا گندگ لوٹے گُڑا نواز یک جوانے درورے_

 نواز ءِ هاترا اسٹارے بوهگ ھژدری نہ بوتگ، ازمکارے بوهگ ھژدری بوتگ، پمیشکا وهدے آ بالی وڑ ءَ وتی گام ءَ ایر کنت، آئی ءَ چہ آ دگے ازمکاراں جُتائیں پِگرے گون بیت، آ ازمکاری ءَ چہ آدگے ازمکاراں جُتا چاریت، بلکیں تهنّا نہ چاریت، کنت ءُ پیش داریت_

نواز یاگی یے، بالی وڈ ءِ تہ ءَ بگندئے چُشیں ازمکار پیسرا بوتگ بلے من نہ دیستگ، نواز ءِ واستہ رول ءِ مزنی ءُ کسانی پرک نہ کن اَنت، اگاں چیزّی پرک کنت گُڑا اِزمکاری ءِ جِند انت _

اے کتاب بگندئے یک ازمکارے ءِ زندهال اِنت بلے اِشی ءِ تہ ءَ زند ءِ هرچ تک ءِ مردُمے واستہ پہ سِکگ ءَ باز چیز ھست_

پدا چوشکہ بلوچ چاگرد ءَ یکشلیں کارے کنگ سک عامیں گپ یے، پمیشکا آیاں اے کتاب الّم وانگ لوٹیت، اے کتاب آیاں یاگی تبی سوج دنت اے کتاب آیاں اے هال دنت کہ وهدے تو وتی بازار یا کهول ءَ چہ جِتا جیڑگ بندات کنئے گُڑا مردُم تئ سرا الّم کند اَنت بلے پہ دائمی اِنّاں، اے کتاب وانوکاں سوج دنت کہ زندگی ستر گِران بہ بیت بلے تئ الکاپیں جُهد آ گِرانی آں ارزانی ءِ توک ءَ بدل کنت۔

اے کتاب مزنیں واب، جتائی، جُهد، گُژن، گنوکی، زِد ءُ یاگی یے ءِ کِسّہ اِنت المّ بوان اِت ئے۔