کافکا ءُ سید ھاشمی
جرمنی ءِ نام ھرکجا کیت مارا کافکا یات کیت ءُ اسرائیل ءِ مھلوک ءَ ھٹلر .ھما ھٹلر کہ ستمبر 1937 ءَ یہودیاں زندگ ءَ مان دارگ ءِ ھکم دنت کہ جرمنی ءَ ھرکجا شما یہودی یے دیست آئی ءَ را آس بدی اِت
آ وھد شت ھٹلر شت جاور بدل بوت اَنت بلے اسرائیل ءِ تہ ءَ لس مھلوک ءِ دل ءَ وتی رپتگیں بیلانی یات تاجگ اَنت
ھمے یہودی راج ءَ جرمنی ءِ نامداریں لبـزانت کافکا ءِ بازیں رودپتر / کسّہ / سپرنامگ/ ءُ دگہ بازیں چیزے کہ دنیا ءَ شنگ نہ بوتگ انت آ داں مدّتے ءَ پھاز اتگ ءُ وتی کتاب جاھاں ایر کتگ اَنت جرمنی ھم اے ھبر ءَ انوں سرپداِنت دومی نیمگ ءَ گوادر ھما شھر اِنت کہ اود ءَ سید ءِ لوگ اِنت سید اکیڈمی اِنت سید ءِ لوٹوک اَنت ھمے شھر ءَ سید ھاشمی ءِ پیتی یے پُرّیں مواد کہ آھانی تہ ءَ رودپتر / نمدی/ لچہ / ءُ دگہ بازیں مواد ! ھوار بیتگ اَنت مروچی ءَ پنچ یا چار سال پیشتر کلاتک کیچ ءِ مردمے ءَ چداں کش اتگ ءُ گوں وت برتگ اَنت چندے مدت ءَ پد اے تاکانی درجنوک یا دزّوک وت عمان روت ءُ اے نیمگ ءَ کیچ ءِ جاور ھراب بنت آ مرد ءِ کماش اے سرجمیں تاکاں مـــان دار ایت سوچیت اش
جست اے پاد کیت کہ سید ءِ لوٹوک یا سید ءِ سرا کار کنوک یا آ دگہ زمّہ دار کہ ھست اَنت آھاں پرچا یک روچے روزگارے سید ءِ ھمے ھالی ایں کمپان ءُ
لوگاں سرے نہ جتگ ؟
سید اکیڈمی ھم ھمے شھر ءَ اِنت ... ھاں اے کار اش کتگ اَت تارک سید نامیں مردے ایشاں گپتگ اَت کہ مواداں بیار اے تئی ھمبراہ ءَ برتگ اَنت ما تئی سرا کیس کن ایں ترا بند کن ایں آئی ءَ پُورت گواجینت اَنت ءُ پشت مان دات گڈ سرا گپ ءِ جند اش گار کت
پرچا کہ سید ءِ نام ءِ سرا زرّ جوڈ کنگ فنڈ گِرگ وَ چوناہ برجاہ اِنت سید ءِ مواد چدو پیشتر ھم آئی ءِ جندءِ لوگ ءِ مردماں دریا ءِ میار کتگ اَنت ایش کہ شتگ اَنت ھدا اش برات درد دل ءَ چست بیت ھما سید ھاشمی کہ بھرین ءَ نادراہ جاہ ءَ ھون شانگ اِنت ڈاکٹر ءَ ند ءُ تاک پچ گِپتگ اَنت کہ تو آرام کن نبشتہ مکن بلے ھردیں ڈاکٹر واتر کوٹی ءَ کیت داں سید ءِ چادر ھون ءَ گھِتگ ھورت چارگ ءَ پد زاھر بیت سید ءَ گوں ھوناں بلوچی لھتے لبز نویس اتگ
ھمے سید ءِ مواد آئی ءِ لوٹوکانی میان ءَ یکبرے دُزّگ بنت پدا سوچگ بنت
اسرائیل ءِ مھلوک ءَ اگاں بلوٹ اتیں آھاں کافکا ءِ ساچشت ھٹلر ءِ زار ءَ سوتک ءُ گار کت اَنت بلے آھاں روچ مرچی کافکا ءِ مڈّی پھاز اتگ اَنت ءُ نوں بہ گندئے چاپ ھم بہ بنت ءُ دنیا ءِ لبزانک ءِ تہ ءَ جیڑگانی نوکیں دراں بہ بوج اَنت ( یک نیمگے کافکا ءُ آئی ءِ دشمن اَنت دومی نیمگ ءَ سید اِنت ءُ سید ءِ لوٹوک اَنت )
No comments:
Post a Comment